Andre Onana u përfshi në një aksident të tmerrshëm automobilistik në Kamerun, i cili për fat të mirë nuk pati asnjë pasojë për portierin e ri të Interit.

25-vjeçari po shkonte në Douala për t’u bashkuar me ekipin e tij kombëtar përpara ndeshjeve play-off të Kupës së Botës kundër Algjerisë.

Automjeti i tij (Ranger Rover) është përplasur me një makinë tjetër dhe për fat nuk ka patur pasoja për të dhe vozitësin tjetër.

? – Andre Onana has been involved in a car crash while on his way to join his National Team for the World Cup play-off against Algeria. Thank God he is doing fine. [via @NuhuAdams] pic.twitter.com/BGj54B8WhA

— ??? ???? ? (@TheEuropeanLad) March 22, 2022

Një video që është bërë virale në rrjetet sociale tregon Onanën duke folur me persona të tjerë në vendngjarje, duke konfirmuar se lojtari i Kamerunit nuk ka pësuar pasoja të rëndësishme nga përplasja e tmerrshme me makinë që shkatërroi të dy automjetet e përfshira në aksident.

Portieri do t’i bashkohet Interit si lojtar i lirë në verë në fund të kontratës së tij me Ajax. Ai përfundoi testet mjekësore me gjigantët e Serie A në janar.

Interi ende nuk e ka konfirmuar nënshkrimin e tij, por marrëveshja ka përfunduar dhe lojtari do të transferohet në San Siro në verë. /Telegrafi/